හිටපු හමුදාපති සරත් ෆොන්සේකා මහතාගේ නායකත්වයෙන් අලුතෙන් පිහිටුවනු ලැබූ ප්‍රජාතන්ත්‍රවාදී පක්‍ෂයේ නියෝජ්‍ය නායක තනතුරෙන් හා පක්‍ෂ සාමාජිකත්වයෙන් ප්‍රජාතන්ත්‍රවාදී ජාතික සන්ධානයේ පාර්ලිමේන්තු මන්ත්‍රී අර්ජුන රණතුංග මහතා ඊයේ (09 වැනිදා) ඉල්ලා අස්‌වී තිබේ.
රණතුංග මහතා සිය ඉල්ලා අස්‌වීමේ ලිපිය ඊයේ (09 වැනිදා) සරත් ෆොන්සේකා මහතා වෙත යවා ඇත.
මේ අතර එම පක්‍ෂයේ ප්‍රධාන ලේකම් තනතුර දැරූ පාර්ලිමේන්තු මන්ත්‍රී ටිරාන් අලස්‌ මහතා ද එම තනතුරෙන් හා පක්‍ෂ සාමාජිකත්වයෙන් ඉල්ලා අස්‌වී ඇත. තමන් මෙම පක්‍ෂයෙන් ඉල්ලා අස්‌වූයේ ඉකුත් සැප්තැම්බර් මාසයේ බවත් මෙතෙක්‌ තමන් ඒ බව රටට හෙළි නොකළ බවත් ටිරාන් අලස්‌ මහතා “දිවයින” ට පැවසීය.
රනිල් ධර්මසේන, ලසිත දුමින්ද
Source: Divaina (Sri Lanka)