අම්පාර දිස්ත්රික්කයේ දමන ප්රාදේශීය ලේකම් කොට්ඨාසයේ වඩිනාගල, කිව්ලේගම, දේවාලහිඳ, ගල්කන්ද, කෙත්සිරිගම, ගල පාමුල යන ප්රදේශවල නැවතත් ඊයේ (14 දා) භූ චලනයන් 03 ක් ඇතිවීම නිසා ප්රදේශවාසීහු භීතියට පත්වී සිටිති.
විශාල ශබ්දයක් සමඟ මේ භූ චලනයන් පෙ.ව. 6.33 ට, පෙ.ව. 10.15 ට සහ දහල් 1.03 ට පමණ සිදුවූ බව ජනතාව පවසති. මෙම ගම්මානවල පිහිටුවා ඇති තාවකාලික භූ කම්පන මානවලද මෙම පිපිරීම් 03 ම සටහන්වී තිබේ.
මේවනවිට පසුගිය සති කීපයේ භූ චලනයන් 34 ක් පමණ සිදුව තිබෙන බව ද ජනතාව පවසති. මෙම ක්රියාව ස්වභාවික ක්රියාවක් නොවේ නම් එයට හේතුව ඉක්මනින් සොයා ගන්නා ලෙසද අදාළ බලධාරීන්ගෙන් ජනතාව ඉල්ලා සිටිති.
මේවන විටත් භූ විද්යා සමීක්ෂණ හා පතල් කැණීම් කාර්යාංශයේ භූ භෞතික විද්යාඥ මහින්ද සෙනෙවිරත්න මහතා සහ තාක්ෂණ නිලධාරී සුපුන් භානුක මහතා ඇතුළු නිලධාරීන් පිරිසක් මේ වනවිට මෙම ප්රදේශයේ සිට පරීක්ෂණ කටයුතු සිදුකරමින් සිටිති.
Source: Divaina (Sri Lanka)
