ශ්රී ලංකා ඉනිම දියත්වෙමින් තිබෙන අතරතුරදී තරගය නැරඹීමට පැමිණි ප්රේක්ෂකයකු මුරකාවල් බිඳදමින් ක්රීඩා පිටිය මැදට කඩා වැදීම තරගය ක්රීඩා කරන ලද සහ තරගය නැරඹීමට පැමිණි ප්රේක්ෂකයන්ට මහත් ප්රීතියක් ගෙන දෙන සිදුවීමක් බවට පත්විය. උඩු කය නිරුවත්ව පැමිණි මෙම ප්රේක්ෂකයා ශ්රී ලංකා ඉනිමේ 38 වැනි පන්දුවාරයේ තෙවැනි පන්දුව යෑවීමත් සමග පිටියට කඩා වැදී ක්රිකට් පන්දුවකට සමාන පන්දුවකින් පන්දු යවන ඉරිව්වෙන් පිතිකරුගේ අන්තය වෙත යවනු ලැබූ අතර අනතුරුව ආරක්ෂක නිලධාරීන් පැමිණ ඔහුව ඔසවා ගෙන ක්රීඩාංගණයෙන් පිටතට ගෙන යනු ලැබීය.
ඔස්ටේ්රලියාවේ ක්රිකට් තරග පැවැත්වෙන අවස්ථාවන්හිදී මෙවැනි සිදුවීම් සුලබ දසුන් වුවත් ශ්රී ලංකා කණ්ඩායමක් ක්රීඩා කිරීමේදී මෙවැනි සිදුවීම් වාර්තා වී ඇත්තේ ඉතාම දුලබ අයුරිනි.
Source: Divaina (Sri Lanka)
