මහා බ්‍රිතාන්‍යයේ දෙවැනි එළිසබෙත් මහා රැජනගේ දියමන්ති ජුබිලිය වෙනුවෙන් තේකෝප්පයක් හා පීරිසියක් නිර්මාණය කළ ඇන්ජලිකා විමලසූරිය (12) ශිෂ්‍යාව එම රාජකීය තේ කෝප්පය හා පීරිසිය මහ රැජනට පිළිගැන්වීමට බකින්හැම් මාලිගයට යාමට නියමිතය.
මහා බ්‍රිතාන්‍යයේ සිසුන් අතර පැවති මේ තරගයෙන් ඇන්ජලිකා ද, මැග්ග්‍රාත් (9) තවත් දැරියක ද ජයගත්හ. ඔවුන්ගේ සැලසුම් අනුව බර්ස්ලම්හි මුවර් ක්‍රොෆ්ට් පිඟන් භාණ්ඩ කම්හල එම බඳුන් නිෂ්පාදනය කළේය. ඇන්ජලිනා බ්ලර්ටන්හි ඕර්මිස්ටන් ශ්‍රීමත් ස්ටැන්ලි මැතිව්ස් විදුහලේ ශිෂ්‍යාවකි.
ඇය සමග බ්ලර්ටන් පාසලෙන් අවසන් වටයට 20 දෙනෙක් තෝරා ගනු ලැබූහ. රැජනට එක් කට්ටලයක් ද, පිඟන් භාණ්ඩ නිෂ්පාදකයන්ගේ සම්මේලනයට තවත් කට්ටලයක් ද හිමි වන අතර ඇය ද එක් කට්ටලයක සාඩම්බර හිමිකාරිනියක් වන්නීය.
ඇන්ජලිකාගේ ගුරුවරිය වන ඇනී රෙනිසන් පැවසූයේ ඇය දීප්තිමත් ශිෂ්‍යාවක බවයි.
ඇගේ පාසලට පොත්පත් හා උපකරණ ගැනීම සඳහා පවුම් 2500ක් (රුපියල් 515000) හිමිවිය.
ඇන්ජලිකාගේ මව රමණී ජයකොඩි (46) පැවසූයේ තම දියණිය ගැන බිහෙවින්ම ආඩම්බර වන බවයි.
‘නිදහස් වේලාවලදී ඇය අඳිනවා. ඇය ඊට දක්ෂයි. ඉතාලියේ පදිංචිව සිටි ඇංජලිකා ඇගේ මව සහ පියා තිලකසිරි විජේරත්න බ්‍රිතාන්‍යයට ගියේ දෙවසරකට කලිනි.
Source : Lankadeepa (Sri Lanka)
Image courtesy of Lankadeepa (Sri Lanka)
