ශ්රී ලංකාව සහ ඕස්ටේ‍්‍රලියාව අතර තරග දෙකකින් සමන්විත විස්සයි20 ක‍්‍රිකට් තරගාවලිය ආරම්භ කරමින් සිඞ්නිහිදී අද (26) පැවැති පළමු විස්සයි20 තරගයෙන් ශ්රී ලංකා පිල කඩුලු 5 ක පහසු ජයක් ලැබීය.
ශ්රී ලංකා පිතිකරුවෝ ලකුණු 138 ජයග‍්‍රාහි ඉලක්කය පන්දු 7 ක් ඉතිරිව තිබියදී සම්පූර්ණ කිරීමට සමත් වූහ.
ඇන්ජලෝ මැතිව්ස් ශ්රී ලංකා ජයග‍්‍රහණයේ නියමුවා බවට පත්වෙමින් පන්දු 27 කදී හතරේ පහර 3 ක් සහ හයේ පහරක් සමගින් නොදැවී ලකුණු 35 ක් රැස්කිරීමට සමත් විය. තිසර පෙරේරා ජයග‍්‍රහණය වේගවත් කරමින් පන්දු 12 කදී හයේ පහර 2 ක් සමගින් නොදැවී ලකුණු 19 ක් රැස් කළේය.
යොවුන් ප‍්‍රවේගකාරි පිතිකරු කුසල් ජනිත් විස්සයි20 අන්තර්ජාතික වරම් ලබමින් ආරම්භක පිතිකරු ලෙස පන්දු 22 කදී හතරේ පහර 2 ක් සහ හයේ පහරක් සමගින් ලකුණු 33 ක් රැස්කරමින් කැපී පෙනෙන ඉනිමක් ක‍්‍රීඩා කළේය.
ඕස්ටේ‍්‍රලියානු ආරම්භක පිතිකරු ඩේවිඩ් වෝනර් පන්දු 62 කදී හතරේ පහර 5 ක් සහ හයේ පහර 3 ක් සමගින් නොදැවී ලකුණු 90 ක් රැස්කරමින් තරගයේ වීරයා බවට පත්විය.
ඕස්ටේ‍්‍රලියාව ඕවර 20 කදී කඩුලු3 ට 137
(ඩේවිඩ් වෝනර් නොදැවී 90, ජෝජ් බේලි 11, ඇඩම් වෝජස් නොදැවී 25)
ශ්රී ලංකාව ඕවර 18.5 කදී කඩුලු 5 ට 139
(කුසල් ජනිත් 33, තිලකරත්න ඩිල්ෂාන් 16, ඇන්ජලෝ මැතිව්ස් නොදැවී 35, ළහිරු තිරිමාන්න 20, තිසර පෙරේරා නොදැවී 19, සේවියර් ඩොහර්ටි 21/2, ග්ලෙන් මැක්ස්වෙල් 15/2)
Source: Lankadeepa (Sri Lanka)
