ශ්රී ලංකාව සහ බංග්ලාදේශය අතර ගාල්ල ජාත්‍යන්තර ක‍්‍රිකට් ක‍්‍රීඩාංගණයේදී පැවැත්වෙන පළමු ටෙස්ට් ක‍්‍රිකට් තරගයේ දෙවැනි දිනය වූ අද (09) පස්වරුවේ ක‍්‍රීඩාව නතර කරන විට බංග්ලාදේශ පිල පළමු ඉනිම වෙනුවෙන් කඩුලූ 2 ක් දැවී ලකුණු 135 ක් ලබා ශ්රී ලංකාවට වඩා ලකුණු 435 ක් පසු පසින් සිටියේය.
දිනය අවසන් වන විට මොහොමඞ් අෂ්රාෆුල් නොදැවී ලකුණු 65 ක් ද, මොමිනුල් හක් නොදැවී ලකුණු 35 ක් ද රැස්කර සිටියහ.
ශ්රී ලංකා පිල කඩුලූ 4 ක් දැවී ලකුණු 570 ක් ලබා සිටියදී පළමු ඉනිම අත්හිටුවීම.
ළහිරු තිරිමාන්න පන්දු 256 කදී හතරේ පහර 14 ක් සමගින් නොදැවී ලකුණු 155 ක් ද, දිනේෂ් චන්දිමාල් පන්දු 151 කදී හතරේ පහර 12 ක් සහ හයේ පහර 2 ක් සමගින් නොදැවී ලකුණු 116 ක් ද, රැස්කිරීමට සමත් වූහ. මෙම ශතක තිරිමාන්නගේ සහ චන්දිමාල්ගේ පළමු ටෙස්ට් ශතක වීම කැපී පෙනේ.
ශ්රී ලංකා පිල පළමු ඉනිම ඕවර 135 කදී කඩුලූ 4 ක් දැවී 570
(දිමුත් කරුණාරත්න 41, තිලකරත්න ඩිල්ෂාන් 54, කුමාර් සංගක්කාර 142, ළහිරු තිරිමාන්න නොදැවී 155, ඇන්ජලෝ මැතිව්ස් 27, දිනේෂ් චන්දිමාල් නොදැවී 116, සොහග් ගාෂි 164/3)
බංග්ලාදේශ පිල පළමු ඉනිම ඕවර 43 කදී කඩුලූ 2 ට 135
(ජහුරුල් ස්ලාම් 20, මොහෙම්ඞ් අෂ්රාෆුල් නොදැවී 65, මොමිනුල් හක් නොදැවී 35)
Source: Lankadeepa (Sri Lanka)
