ශ්රී ලංකාව සහ බංග්ලාදේශය අතර තරග තුනකින් සමන්විත එක්දින ක‍්‍රිකට් තරගාවලිය ආරම්භ කරමින් සූරියවැව මහින්ද රාජපක්‍ෂ ජාත්‍යන්තර ක‍්‍රිකට් ක‍්‍රීඩාංගණයේදී හෙට (23) පැවැත්වෙන දිවා/රාත‍්‍රි තරගයේදී ශ්රී ලංකා පිලේ ආරම්භක පිතිකරු ලෙස යොවුන් ප‍්‍රවේගකාරි පිතිකරු කුසල් ජනිත් කටයුතු කිරීමට සූදානමින් සිටි බව වාර්තා වේ.
ශ්රී ලංකා පිලේ නායක ඇන්ජලෝ මැතිව්ස් අද (23) පෙවරුවේ සූරියවැව ක‍්‍රීඩාංගණයේදී පැවැති පුහුණු සැසියෙන් පසුව පැවසුවේ බංග්ලාදේශ කණ්ඩායම විශේෂයෙන්ම කෙටි තරගවලදී සැහැල්ලූවට ලක්කර නොහැකි වඩාත් භයානක කණ්ඩායමක් බවයි.
කිත්රුවන් විතානගේ, ඇන්ජලෝ පෙරේරා සහ සචිත් පතිරණ යන නවක ක‍්‍රීඩකයන් සංචිතයට ඇතුළත්ව සිටිය ද අවසන් 11 දෙනාට ඇතුළත්වීමට ඇති ඉඩ කඩ අඩු බව වාර්තා වේ. ද්‍රවිඩ සංගම් පිල නියෝජනය කරන කිත්රුවන් අද එන්. සී. සී. ක‍්‍රීඩාංගණයේදී ආරම්භ වූ පළමු පෙළ තරගයට සහභාගි විය.
බංග්ලාදේශ පිලේ නායක මුෂ්ෆීකුර් රහීම් අද පස්වරුවේ පුහුණු සැසියට පෙර පැවැති මාධ්‍ය හමුවේදී පැවසුවේ තම කණ්ඩායම පසුගිය වසර කාලය තුළ ඉතාමත් හොදින් ක‍්‍රීඩා කර ඇති බවත් ප‍්‍රබල ශ්රී ලංකා පිලට එරෙහිව ක‍්‍රීඩා කිරීමට ලැබීම හොද අවස්ථාවක් බවත්ය.
Source: Lankadeepa (Sri Lanka)
